بسم الله الرحمن الرحيم
يسعد لي مسائكم نك نك شخص شخص فرد فرد طبعا مثل ماعودتكم كل ابو دايم اجيب لكم
مواقف قديمه او جديده بحياتي هلموقف اللي بقوله تذكرته يوم كنت ادرس هندسه بلمعهد
التطبيقي اللي بلكويت وقتها كنت توني ناقل من الرياض للكويت بعد ماخلصت الثانويه
برياض اول يوم دوام ماكنت اعرف ولا احد ماعرف الا جدتي وجدي وخوالي وبس
المهم مرت الايام وانا اداوم واحظر ولا احتك بحد وساكت حالي حال نفسي
في يوم من الايام جاني شخص وسلم علي وشخبارك شلونك طيب ورديت عليه
والرجال اسلوبه محترم وكلامه طيب ولا عليه واخذ وعطى معه بسوالف بعد فتره
بعد ماخذ رقم تلفوني واخذت رقم تلفونه الرجال عزمني على عشاء
وقلت خلاص يافلان نتقابل بلمكان اللي راح نتعشى فيه قال هو لا انا بمرك
ونطلع قلت ولا اردها بخاطرك ياوجه السعد حياك ومرني الرجال وطلعنا انا وياه
ووصلنا شارع الخليج عند الاشاره اللي على يمينا سوق مارينا مول وعلى يسارنا
البحر .>من قوة الموقف مانسيت المكان بعد
المهم وقفنا عند الاشاره وكان موضوعنا اللي ناخذ ونعطي فيه عن المواد الصعبه
اللي بلهندسه وفجئه الرجال قطع الكلام قال بو عابد ابي اسئلك الحين قلت تفضل
قال تدري شنو معناة العلامه الحمراء اللي على السياره اللي قدامك
طبعا انا هنا متعود على الشباب في الرياض حقين الدداسن يجيك يكتب مخاوي الليل
وتخرب عليه ويخليها قلت له عادي هذا جاء بيكتب شغله وخربت عليه وخلاها
الرجال قال لي لا هذا معناته شي قلت شنو معناته قال هذا معناته ان صاحب السياره
((شيعي ))
انا عاد قمت استلم الشيعه واسبهم سب مو طبيعي اشوف الرجال وانا اسب ماقال شي
ساكت ماقال ولا حرف فجئه مد يده عاد يديه لحالها تقول اوادم متسدحه من كثر ماهو
جسمه ضخم يوم مد يده ومسك يدي انا هنا سحبت جلنط وشقلبت لساني وسكت
قال بو عابد ترا انا شيعي !!! على طول من دون سابق انذار قلت له ياخي ترا انا اهم شي
عندي الاخلاق مايهمني شيعي ولا سني بس يرحم والديك وين المطعم اللي تبي نتعشى فيه !!
انا من الخوف والصدمه برقع السالفه صدمته بسؤال وين المطعم اهو يوم شافني قلت كذا
مات ضحك يوم ضحك قلت في قلبي اشوا الله كتب لي عمر جديد ......
اتمنى هلموقف يحوز على رضاكم

مـجـمـوع الأوسـمـة: 1 (الـمـزيـد» ...)